أنا شغال في.... فرع....
وللاسف علي اللي هقوله ده
اسوء مطعم واكتر مطعم مش نظيف ف مصر
طبعا محدش بيتكلم عن اللي بيحصل هناك اللي هو :
مفيش فوود سيفتي خالص كل الناس هناك سوريين فا بيكونوا شغالين بشعرهم و بي الدقن منغير هيرنيت أو اي حاجه وطبعا الشعر بيقع في الاكل وحاجه تقرف بجد
+ الجو داخل المطبخ عالي جدا جدا
فا كل الناس عرقانه والعرق بيكون بينقط منهم جوا الطبق وكل الكلام ده شايفه بعيني
+ العيش بتاع الماريا أو السوري بيكون متخزن في تلاجه كرسه
التلاجه دي يوم ما حد يفكر يفتحها كلنا بنطلع من المطبخ بسبب ريحتها
فا تخيل أن العيش بيكون جواها
+ أنا اشتغلت هناك 20 يوم فيهم رجع 3 اوردارات بسبب أن العيش فيه دود
ومش دوده صغيره لا دي حجم كبير اوي
وطبعا بكل سذاجه بيتم تبديل الاوردر بنفس أوردر زيه بنفس العيش عادي جدا
+ لو ويتر وقع منه الاوردر فالارض بيلمه جوا الطبق ويرجع المطبخ يظبطه هو هو يعني يعدله كده عشان شكله يكون حلو ويطلع عادي منغير اي زمه أو ضمير
ده غير أن الاوردر بياخد ساعه ولو روحت خميس أو جمعه ممكن ساعه ونص
طبعا ولو شيف بيعمل حاجه و وقعت علي الارض بيحطها عادي جدا
+ كل الويتر أو الشيف عنده صلاحيه يمد أيده في أي طبق ايا كان الطبق
تلاقي الويتر اللي بيكون لسا راجع من الحمام يمد ايده فالطبق ياخد شويه بطاطس أو ياخد حته شاورما ومحدش بيتكلم عادي
+لا يتم تنظيف الأرض أو الادوات غير مره واحده بس بعد انتهاء العمل يعني 2 بليل غير كده لا
+ من ضمن الصور هتلاقي واحد بيعمل كلوسلو ده واحد مق.رف جدا ورحت.ه وح.شه جدا أنا بصراحه بقرف اعدي جنبه
المهم ده بقي بيعمل الكلوسلو منغير جوانتي أو يغسل أيده ومش أيده بس لا دراعه كله جوا البوله عشان يعرف يقلب السلطه بشعر أيده
معلومه : كل الكلام ده علي معلوم من كل المديرين عديمي الشرف والضمير وغير خائفي الله
كل حاجه قولتها مش هتوصف اللي بيحصل هناك أو ريحه التلاجه أو منظر الدود
فا حسبي الله ونعم الوكيل فيهم واحد واحد انا سيبتهم ومشيت عشان متحملتش الغش ده ضميري متحملش