كتب / أحمد أمين الفيومي
ثق بنفسك خليك مؤمن بقدراتك ،كن حافز لنفسك تقدر تطلع اللي جواك تقدر تطير من غير جناحات💪💪 نقدم لكم قصص مميزة جدا تساعد على الثقة بالنفس للإستماع للقصص إضغط هنا
القصة الأولى
طالب في جامعة كولومبيا نام في محاضرة رياضيات غصب عنه وصحي على صوت الطلبة لما المحاضرة خلصت.. لقى الدكتور كاتب على السبورة مسألتين.. قال دول أكيد مسائل الواجب ونقلهم في كشكوله عشان يروح يحلهم.. لما روح حاول يحلهم لقاهم مسائل صعبة جدااا.. بس فضل يحاول ويحاول ويروح المكتبة يجيب مراجع ويدور ويبحث لحد ما قدر بالعاااافية يحل مسألة واحدة منهم بس.. في المحاضرة اللي بعدها لقى الدكتور ما سألش على الواجب! فقام وسأله: يا دكتور حضرتك ما سألتش على مسألتين الواجب بتوع المحاضرة اللي فاتت اللي كتبتهم على السبورة في آخر المحاضرة!.. الدكتور قاله: واجب!! .. دول ما كانوش واجب.. دا أنا كنت بضربلكم أمثلة على المسائل الرياضية اللي عجز العلم عن حلها! اندهش الطالب وقاله: بس أنا حليت واحدة منهم! واتسجل حل المسألة في جامعة كولومبيا واتعرفت باسمه لحد النهارده.
الطالب ده حل المسألة لسبب واحد بس.. إنه ما سمعش الدكتور وهو بيقول "مفيش حد عرف يحلها".. أقنع نفسه إنها لازم تتحل.. فلما جرب طلع بيعرف. #ماتسمعش لحد يقولك مش هتقدر انت تقدر تعمل كل حاجه مهما كانت الصعوبات خليك مؤمن بالله وبقدراتك اللي وهبهالك
القصة الثانية
صاحب شركة صغيرة كان غرقان في الديون!! كل السكك اتقفلت في وشه ..قرب يفلس ..البنوك مش عايزة تسلفه !!
المهم في يوم ماشي في الشارع بيجرجر همومه ...قعد على كنبة بتاعة موقف اوتوبيس ...
قعد جنبه راجل كبير في السن قاله مالك؟ فحكاله قصته ...الرجل العجوز قاله: " اعتقد اني اقدر اساعدك على حل مشكلتك" و راح مطلع شيك و قلم و كتب فيه و راح مديه لصاحب الشركة الصغيرة و قاله هقابلك هنا كمان سنة عشان ترد لي اللي اخدته مني و سابه و مشي
صاحب الشركة بيفتح الشيك لقاه مكتوب فيه مليون دولار ! بامضاء چون دي روكفيلر واحد من اغنى الرجال في العالم
صاحب الشركة فكر و قال انا اقدر دلوقتي احل كل مشاكلي و اسد كل ديوني بالشيك ده !! .....
و بعد تفكير و خوفه انه ما يقدرش يسد الفلوس دي بعد كده قرر انه يحتفظ بالشيك في خزنته و يحاول محاولة اخيرة و لو فشل اهو معاه الشيك هيغطي خسايره .
و فعلاً بدأ صاحب الشركة في ايجاد حلول و بدأ يتعامل مع المشاكل اللي عنده و حل جزء كبير منها لحد ما بدأ يقف على رجله و سدد اللي كان عليه ... و الشيك لسه زي ما هو
عدت السنة والشيك اللي ما اتصرفش معاه .. و قرر يروح نفس موقف الاوتوبيس و هو فرحان بانجازه و انه هيرد الشيك زي ما هو لچون ....
و فعلاً لقى چون داخل عليه ...لسه بيحط ايده يطلع الشيك لقى ممرضه جريت على چون و مسكته من ايده " الحمد لله اني لقيتك " وهي تتأسف لصاحب الشركة و بتقوله ' ارجو انه ما يكونش ضايقك ..هو راجل مسن و انا الممرضة المسؤولة عن حالته ...هو ديماً يهرب من البيت و يدعي انه چون دي روكفيلر الملياردير المشهور ويتصرف كأنه من أغنى أغنياء العالم . و اخدت الرجل المريض و مشيت
صاحب الشركة وقف مزهوول !!! بيقول لنفسه ' بقالي سنة ببيع و اشتري و اعقد صفقات و احل مشاكل ...اعتقاداً مني بان ضهري محمي بمليون دولار !!! "
الواقع ان مش الفلوس اللي معاه هي اللي انقذته .... و لكن الشخص الجديد اللي اتولد و حس بالثقة لمجرد انه متأمن ...نفس التصرفات دي كان يقدر يعملها من غير فلوس ...لكن خوفه و قلقه المبالغ فيهم كانوا مانعينه
الخلاصه عندنا حاجات كتير تهون علينا التوتر والقلق اللي بياكل في حياتنا بس احنا ما بنبصش غير على اللي ناقصنا ....
عندنا ربنا في ضهرنا رحيم و كريم قوي اقوى من مليار مليار مليار الدولار اللي ممكن يأمنوك
حاول تتخلص من شبح القلق اللي بياكل في جسمك و بينحر فيه و يوقفك في مكانك عاجز مع ان في ايدك كتير تعمله !!!
تابعونا على اليوتيوب على الرابط التاااااااااااالي
تابعونا
على الفيس بوك على الرابط التااااااااااالي
تابعونا
على جروب الفيس بوك الخاص بالقناة على الرابط التااااااااااااالي
تابعونا
على جروب الواتس على الرابط التااااااااالي
تابعونا
على قناة التليجرام على الرابط التااااااااااالي
تابعونا
على تويتر على الرابط التااااااااااااااالي
نتمنى لكم دائما دوام السعادة والتفوق
إدارة قناة خليك الاول
Be the First